Isithakazelo sa kwaNdala

 Is'thakazelo sakwaNdala by Thando Ndala Umzilakatha

E! Ndala!

Nodindwa ngezwa!

Nondarhana weliwa!

Umzila katha athi ukuyizila abuye ayithwale,

Abakhanyis'ishlangu entabeni 

kwathiwa sikhanyiselweni 

bathi sikhanyisel’abadluli bendlela

Ngebakwanyoni ezabhedla umlom’obomvu emhlangeni, 

Zinnyoni ezakhela kumbi, zakhel’edodotjeni. 

Nyoni sakhakubi eyasindisa umlomo edodotjeni.

Sigwegwe sakomalenjana wakwaNdala, 

nangathani yaba sigwegwe so lithi besiza lingwa ukululwa. 

Ngebakwa mfazi omabel’amadhe 

owa munyisa umntwana angaphesheya kwe gwa ne gwana.

Nodindwa lingezwa, 

Rhadasi,imbuya yamaqeph'amahle 

abafaz’ bath’ ukuy’bona bayiphalalela bayisabisa ukuna.

Mfene zakonoMlongwa 

ezafa ukufulathelana nokutjhinga kwelanga.

Zimfene ezimabutho ingabayeni bahlez ebandla.

Bhidlwana

Manghana 

Tjhatjha lakosoMawoba 

ngelabuya nomkhonto emagulumezweni 

kebemkhonto emengako.

Ngumazilavimbe namhlana inyanga ifako.

E! rhadhasi…

Sibahle noma silele.

E! Ndala!